Isang certified na hampas lupa si Sandra na nagtatrabaho bilang waitress sa isang American resto sa Makati. Dala ng kahirapan, nagdesisyon siyang makipagsapalaran sa ibang bansa dahil sa pagnanais na umangat sa laylayan. Bunga ng kaniyang pagtitiyaga ay nabigyan siya ng pagkakataon na makapagtrabaho bilang isang buffet attendant sa isang barko na dumadaong sa iba’t ibang panig ng mundo. Isang gabi habang nagdaraos ng isang crew party ang barko nila ay nakilala niya ang binatang si Adriano, ang bagong saltang Italyanong chef—matangkad, mestizo, gwapo—in short, malabong magkakursunada sa squammy na kagaya niya. Subalit, sa kaniyang pagkagulat ay niligawan siya nito, sa kabila ng pagkakaiba ng kanilang lahi at kultura. Magpapakipot ba pa siya? Si Adriano na ba ang sagot para makaangat siya sa laylayan? O isa lang sa mga lalaking magpapaiyak na muli sa kanya? Abangan….

Lumaking manhater si Tuesday Madrigal dahil sa ginawang pag-aabandona sa kanilang mag-ina ng kaniyang ama. Kaya nang lokohin ang pinsan niyang si Karylle ng nobyo nito ay siya na mismo ang gumanti para dito. Kung kaya nang makita niya ang lalaki sa isang restaurant sa pag-aakalang iyon ang nobyo ni Karylle ay walang kiyemeng binuhusan niya ito ng isang basong tubig. Laking pagkapahiya ng lalaki sa mga nakasaksi ng eksenang iyon—para lamang matuklasan ni Tuesday sa kalaunan na maling lalaki pala ang napaghigantihan niya. Dahil kakambal pala iyon ng lalaking nanloko sa kaniyang pinsan! Doon nagsimula ang kabanata nila ni Shadd Basty Bartolome, ang kakambal ng nobyo ni Karylle. To her surprise, nalaman niyang si Shadd Basty pala ang pinakabagong bigating kliyente ng kaniyang negosyo! Kaya nagkaroon ito ng pagkakataong insultuhin siya mula ulo hanggang paa. Ngunit nagbago ang ihip ng hangin ng hindi niya inaasahan ay basta na lamang siya nitong ipinakilala bilang fianceé nito sa dating nobya nito. Iyon na ang pagkakataong nakita niya upang makaganti siya rito.

Agad na nakadama ng matinding atraksiyon si Patricia kay Khal-el nang makilala niya ito. Hindi man ito ang tipo niya sa isang lalaki ay nagawa nitong pabilisin ang tibok ng puso niya. Khal-el had the looks, the money, the style, the sophistication to sweep a woman like her off her feet. Pakiramdam ni Patricia ay nagkantahan ang mga anghel sa langit nang mag-propose sa kaniya ng kasal si Khal-el. But she found out he was too good to be true. Isa lamang pala ang nais nito: ang kunin ang lahat ng mahalagang bagay sa kaniya upang maghiganti. But Patricia Antioquia was no wuss. She would fight till the end. Makikita nitong nagkamali ito sa kaniya.

Masayang tinanggap ni Ayesha ang wedding proposal ng kaniyang nobyong si Paolo. She couldn’t ask for more. Subalit sadyang mapagbiro ang tadhana, kinabukasan matapos ang kanilang engrandeng engagement party ay natagpuan niya ang kaniyang sarili na may “legal” na asawa na. Ayesha tried to trace her supposed to be husband, John Eitan Ferrera in order to nullify their marriage. Bukod sa pagkagulat niya na naging mainit ang pagtanggap sa kaniya ng pamilya ni Eitan, ang higit pang nakakagulat ay nang matuklasan niya kung sino talaga ang lalaki. John Eitan turned out to be Joe who broke her heart before! Join Ayesha’s journey in finding love and reclaiming her stolen identity. Could Eitan prove his innocence or will their love story end even before it started?

May sakit na congenital disease si Skye simula pagkabata. Isa siya sa mga naging indigent patients ng heart surgeon na si Dr. Wilson Tiwaquen. Bukod sa gwapo ay napakabusilak pa ng kalooban ng doktor na ito. Kaya naman nahulog ang loob ng dalaga para sa butihing doktor. Pero nalaman niyang nakatakda na pala itong ikasal. Ironically, si Wilson ang doktor ng kaniyang puso subalit ito rin ang nagdulot sa kaniya ng sakit na hindi malulunasan ng kahit sinong pinakamagaling na surgeon sa buong mundo. Mauuwi ba sa wagas na pag-ibig ang pagmamahal na nararamdaman ng dalaga para sa binatang doktor? O pipiliin niyang magpaubaya?