NAPANSIN kaagad ng batang si Marcelo sa kanyang pagpasok sa gate ng eskuwelahan ang isang itim na van sa labasan. Magara iyon, nangingintab ang pagkaitim, at halatang bago. Kung tutuusi'y bihirang makakita ng gano'ng sasakyan ang mga taga-roon. Madalas kasi ay sa Poblacion lamang iyon makikita. Kaya nang oras na iyon, ito ay nangangahulugang isang mayamang tao ang kasalukuyang nasa Bagong Silang Elementary School.
Sa pagpunta ni Marcelo sa kanyang silid-aralan ay naabutan niya ang umpukan ng maraming estudyante rito. Karamiha'y kaklase niya, at marami ring nagmula sa ibang section.
"Ano kayang meron?" sa isip-isip iyon ni Marcelo. Nakiusyuso na rin siya sa mga naroon at dala ng kuryusidad ay inalam niya ang nagaganap.
Dito nga'y nakita niya ang tatlong bata na napakaputi ng suo
