BUMULUSOK mula sa ibaba papunta sa itaas ang tubig na bumabalot sa katawan ni Venus. Nangyari iyon nang siya'y lumipad papunta sa itaas ng tore. Mahigpit din ang naging pagkahawak niya sa kanyang dalang espada at dahil nga sa lamig ng talim niyon ay makikitang umuusok pa ito.
"Ano'ng nangyari sa 'yo Mars? Bakit humina ang aura mo?" Ito ang tanong na tumatakbo sa isip ng dalaga nang sandaling iyon. Ngunit sa kabila noon ay malaki pa rin ang tiwala niya para sa binata.
Narating nga agad ni Venus ang itaas ng tore at mabilis siyang pumanhik sa loob noon. Kasunod din noon ay ang pag-alingawngaw ng dalawang sandatang nagbanggaan. Narinig iyon sa buong paligid at mula sa itaas ay isang shockwave ang kumawala. May malakas na hangin din nga ang naramdaman mula roon.
"Maligayang pagdati
