PAGLIPAD ni Mars paitaas ay agad siyang pumasok sa loob ng tore, sa bulwagan sa tuktok nito. Naroon nga ang tatlong magkakapatid at pagkakita niya sa mga ito ay mabilis niyang hinugot ang kanyang espada. Sa paglapag niya sa lugar ay isang biglaang atake naman ang kanyang ipinangbungad sa tatlo. Nagliyab ang talim ng kanyang espada at sa paglapit niya sa harapan ng kalaban ay buong-lakas niyang inatake ang mga iyon.
Bumulwak paitaas ang napakalaki at napakaliwanag na apoy mula sa kanyang sandata. Matatanaw iyon mula sa malayo na nagbigay ng liwanag sa buong lugar. Kumawala iyon nang salagin ni Luke gamit ang espada nitong metal ang kanyang apoy na sandata.
"Mas lumakas nga sila..." sambit ni Mars na nakikipagbuno ng lakas sa kalabang komokontrol ng metal.
Nginisian naman siya ng
