ISANG umaga, napadaan ang batang si Marcelo sa likuran ng kantina ng kanilang paaralan at doo'y hindi niya inaasahang makita ang isang grupo ng mga grade six. Taga-kabilang section ang mga iyon at nasa lima ang mga ito. Naka-gel nga lahat ang buhok ng mga iyon at nakatirik. Ang isa pa nga'y may aritis sa kanang tainga at tila iyon ang lider ng grupo.
"'Di ba, mayaman kayo? Kung gano'n, ibigay na lang ninyo sa akin ang baon n'yo!" sambit ng isa sa mga bata. Nakatingin din ito nang masama sa pinagsabihan na tila nananakot.
Pasimple namang sinilip ni Marcelo kung sino ang mga nakasandal sa dingding ng kantina at doo'y nakilala niya kaagad ang tatlong bata.
Mga kaklase niya ang mga ito. Ang triplets!
"Hindi ko ibibigay ang baon namin!" matigas na sabi ng isa sa triplets, si Fer
