Sheila
"Kilala niyo raw po siya, Sir," sagot ng isang guwardya sa kanya habang nananatili akong nakaharap sa kanila.
"Really?"
Pakiramdam ko ay bibigay na ang katawan ko sa mga sandaling ito.
Ngunit pinilit kong magpakatatag. Heto na, eh. Naririto na siya at hindi ko na kailangan pang habol-habulin siya. Makakausap ko na rin siya sa wakas.
Ilang ulit akong huminga ng malalim bago ko ikinilos ang aking mga paa na kasalukuyang nanginginig. Tuluyan na akong humarap sa kanya hanggang sa bumungad na nga siya sa harapan ko.
Sa dibdib niya unang tumama ang aking mga mata dahil sa tangkad niya. Naka-business suit siya at may bitbit na briefcase. Ang isa niya namang kamay ay nakapaloob sa bulsa ng pantalon niya.
Unti-unti akong tumingala sa kanya hanggang sa madaanan na ng paningin ko ang
