Sheila
Malalim na ang gabi ngunit hindi pa rin ako dalawin ng antok.
Pabaling-baling ako sa kama.
Hindi ako mapakali. Nag-aalala ako kay Darell. Baka kasi hindi siya kumportable sa sofa. Maliit lang 'yon sa katawan niyang napakahaba. At saka, baka tumaas ulit ang lagnat niya.
Baka nilalamig na rin siya doon. Naririnig ko pa rin ang ulan sa labas ngunit hindi na ito gano'n kalakas, katulad na lang kanina.
Nang hindi na ako makatiis ay bumangon na ako. Nilingon ko ang anak ko na mahimbing na natutulog sa tabi ko. Wala nang laman ang bote ng gatas niya. Dumidede pa rin kasi siya bago matulog. 'Yan ang pampatulog niya.
Dinampot ko ito bago ako bumaba ng kama. Maingat akong lumabas ng silid namin.
Sinilip ko si Darell sa sofa. May nakabukas kaming ilaw dito sa banyo kaya naman kahit p
