ARAW ng pagbabalik ni Liam sa Maynila. Pakiramdam ni Tere ay isa na iyon sa pinakamalungkot na parte ng buhay niya. Dahil alam niyang buwan ang bibilangin bago sila magkita uli. Magiging busy na naman kasi ang kuya niya para sa darating nitong laban.
"Huwag ka nang malungkot," pagsusuyo sa kaniya ni Liam nang makita ang malungkot niyang mukha nang dumaan ito sa kanila para magpaalam na. "Mag-uusap pa rin naman tayo palagi sa Skype, eh."
Naramdaman ni Tere ang paghapdi ng kaniyang mga mata. "Pero you know naman na mas masaya pa rin ako kapag nandito ka. At ang tagal uli bago ka bumalik. Sobrang mami-miss kita."
Tumabi sa kaniya si Liam sa duyan. "'Di ba malapit naman na ang summer vacation n'yo?"
"Pero hindi ka naman makakauwi. Dahil magiging busy ka na lalo no'n."
Inakbayan siya ng bi
