"WE'RE here!"
Hindi maalis-alis ang ngiti sa mga labi ni Tere nang pumasok ang minamanehong kotse ni Liam sa isang malawak na circular highway. Sa gitna niyon ay may malaking fountain.
Pangatlong beses pa lang niya narating ang mansiyon ng mga ito. Iyong naunang dalawa ay sumaglit lang sila ng kaniyang Papa Amado. Kaya naman lubos ang kasiyahan ngayon ni Tere. Dahil tatagal siya roon ng dalawang buwan.
"Just wait me here. Ibababa ko lang ang mga gamit mo."
Nilingon ni Tere si Liam na noon ay masiglang bumaba ng sasakyan at kinuha ang bagahe niya sa backseat. Kanina pa ito napansin ni Tere na parang mas excited pa ito kumpara sa kaniya. Mula sa pagsusundo sa kaniya sa Hacienda Felicita hanggang sa makalapag sila sa airport. Ito rin ang mismong nagmaneho ng kotse at pinag-taxi na lang a
