Parang matulis na bagay na paulit-ulit tumutusok sa puso ni Tere ang sinabi ni Liam. Kahit anong gawin niya ay hindi iyon maalis sa isip niya. At kahit anong pilit niya na huwag maapektuhan, nasasaktan pa rin siya.
"Bakit? Anong klase ba ang alindog na meron ang Roxie na iyon na wala sa'kin? At para doon lang siya labasan?" umiiyak na kausap ni Tere sa sarili.
Nanlalabo na sa luha ang mga mata niya kaya hindi siya makapili ng mga damit ni Liam na paplantsahin niya. Wala siyang makuha kahit alam naman na niya ang paborito nitong suotin.
"I hate you, Liam! I hate you!" Parang bata na pinagbuntunan niya ang mga damit nito. Tinanggal niya lahat ng mga naka-hanger at ginulo ang mga nakatupi.
At dahil wala siyang alam sa pagpaplantsa kaya limang damit muna ni Liam ang nasunog bago niya na
