Ang Hubad na Katotohanan

Episode 10

“Miss, sino ka at basta ka na lang pumapasok ng walang paalam sa bahay ng mga amo ko?” isang hindi ko kilalang babae na naka uniform ng dati kong mga kasambahay ang nagtanong at pilit akong inaawat na maglakad sa loob ng pamamahay ko.

“Amo? At sinong amo ang sinasabi mo na sa pagkakaalam ko ay ako ang siyang nagmamay-ari ng tinatapakan mo. At ako ang amo sa pamamahay na ito.” Sagot ko sa babae na nanlaki ang mga mata sa pagtataka marahil.

Matapos lang ang dalawang linggong pamamalagi sa hacienda ay lumuwas na ako ng lungsod para nga asikasuhin ang mga dapat asikasuhin.

Walang kahirap-hirap na iniwan ko si Connor sa pangangalaga ng tatay Samuel niya.

Ang saya pa nga ng anak ko ng magpaalam akong aalis muna at iiwan siya sa hacienda.

Mas malaya kasi siyang nakakagalaw sa malawak na lupain at nabubuhay siya ng normal na bata hindi katulad dito sa bahay na magkakaroon lang siya ng kalaro kapag nasa school at park o kaya ay kapag may naligaw na bata sa labas at tatawagin niya.

Panatag ang loob ko at walang kahit na anong agam-agam sa puso ko dahil kasama niya ang tatay Samuel niya at alam kong hindi magiging sakit ng ulo si Samuel.

“Miss, sorry pero hindi talaga kita kilala. Kaya lumabas ka na bago pa ako tumawag ng guard,” banta pa sa akin babae na medyo malusog ang pangangatawan.

Hindi na talaga siya naniniwala sa akin.

“Guard? Hindi ka ba nagtataka na may guard sa gate pero nakapasok ako?” untag ko.

Naalala ko tuloy ang mga guard kanina ng makita ako na bumaba sa taxi.

Para bang nakakita sila ng multo gayong dalawang linggo lang naman akong nawala.

“Now I know, kaya pala natataranta ang mg guwardiya sa gate ay dahil may mga naglalampungan n palang aso’t-pusa sa loob mismo ng pamamaahay ko.” Nakangiti kong sabi at saka ko inilibot ang mga mata ko sa kabuuan ng bahay namin.

Wala ang mga photo namin ni Connor na naka display sa malawak kong sala.

Pagkatapos ay umakyat ang tingin ko sa itaas ng bahay.

Nilampasan ko ang maid at nagtuloy ako sa hagdan.

“Miss, sandali lang. Bawal ka talaga dito. Baka magalit ang mga amo ko at palayasin ako. Bago pa lang ako rito kaya maawa ka naman. At saka, hindi ka ba natatakot na makulong dahil mali itong ginagawa mo. Mayaman ang mga amo ko kaya ka nilang idemanda at pabulukin sa bilangguan,” anang maid sa akin at pilit akong hinaharangan para huwag akong maka-akyat sa hagdan.

Nag-iinit ng ulo ko dahil mukhang narito ang kabit ni Santi at akong tunay na nagmamay-ari ng bahay ay hindi kilala nitong maid nila.

Lumiko muna ako ulit at nagtungo sa kusina para may kunin.

Exciting nga dahil naabutan kong may nagbabahay-bahayan pala sa pamamahay ko.

“Miss, parang awa mo na kung sino ka mang luka-luka ka ay umalis ka na. Tresslpassing ang ginagawa mo dahil wala ka sa bahay mo,” ang hindi tumitigil na salita ng maid sa akin.

Naghalungkat ako sa kusina ko at dahil ako ang siyang nagmamay-ari ay alam ko kung saan nakalagay ang mga gamit ko.

Kinuha ko ang isang matalas na gunting sa isa sa mga drawer sa kusina ko at saka humarap sa kasambahay na kanina pa ako tinatalakan.

Pagod ako sa mahabanh biyahe kaya ayoko ng maingay.

“Kapag hindi ka tumahimik, gugupit ko ang dila mo dahil sobrang ingay mo,” banta ko sa kasambahay na mukha naman talagang natakot dahil sa nanahimik at tinakpan pa ang bibig.

“Subukan mong mag-ingay ulit at hindi ako magdadalawang-isip na ibaon sa katawan mo ang gunting na hawak ko. Ikaw ang trespassing dahil nasa loob ka ng pamamahay ko. Pero dahil alam kong sino ang nagpapasok sayo ay dito ay palalampasin kita. Pero oras na hindi ka nanahimik ay humanda ka.” Banta ko pang muli sa kasambahay na namutla.

Tumango ang kasambahay habang umalis na rin sa tapat ko kaya malaya na akong nakalakad patungo sa itaas ng bahay kung saan may gusto akong sorpresahin.

Nakatitiyak akong may hindi ako inaasahan na bisita at naghihintau lang na makita ko.

Hindi na nga nag-iingay ang kasambahay ngunit nakasunod siya sa akin sa pag-akyat sa itaas. Bawat hakbang ko ay siya rin na paghakbang ko.

Pag-akyat ko itaas ay nilampasan ko ang silid namin ng anak ko at nagtuloy sa silid ng asawa ko.

Lumingon ulit ako sa kasambahay.

“May cellphone ka?” mahina kong tanong.

Tumango siya at natataranta na kinuha ang cellphone sa kanyang bulsa.

“Good. Ngayon may iuutos ako sayo at gusto ko na sundin mo ako. Bibigyan kita ng malaking kabayaran kapag nasiyahan ako sa pagkuha mo ng video sa gagawin ko. Gusto kong kunan mo ng video kung paano ako mangbubugbog ulit ng kabit.”

Nanlaki ang mga mata ng kasambahay sa narinig ngunit tila na excite naman.

“At gusto ko ang kabit lang ang kukunan mo at hindi ang mukha ko, maliwanag ba? Nagkakaintindihan ba tayo?” sabi ko pa.

“Opo, opo,” sunod-sunod na pagtango ang natanggap kong sagot sa kasambahay na kanina lang ay putak ng putak at ayaw akong tigilan.

Ginalaw niya na ang kanyang cellphone.

Tumalikod ako para hindi makita ang mukha ko.

Dahan-dahan kong ipinihit ang door knob at umakyat na talaga ang dugo ko sa ulo ng makitang hindi nga ako nagkamali ng sapantaha.

Narito nga si Desiree at parang isang reyna na natutulog sa ibabaw ng kama ni Santi.

Tulog na tulog siya at mukhang galing sila sa bakbakan kasama si Santi dahil wala yata siyang kahit isang saplot.

Tumingin ako sa kasambahay at sinenyasan kong itutok ang camera sa sleeping beauty na walang kamalay-malay sa nangyayari sa paligid niya.

Nang nakatuktok ang camera kay Desiree ay mabilis kong hinablot ang puting kumot na nagsisilibing balot sa kanyang hubad na katawan.

At gulat na gulat si Desiree ng mabungaran ako sa harap niya.

“Surprise!” bulalas ko pa sa kanya.

Nagtangka pa siyang takpan ang katawan niya dahil napansin niya ang cellphone camera na nakatuktok sa kanya.

“Alisin mo yan!” inis na inis niyang sigaw sa kasambahay na kumukuha sa kanya ng video.

Bumaba sa kama si Desiree para itago na naman ang kanyang hubad na katawan.

“Hindi ka ba ba surprise? Kasi ako hindi talaga. Hindi talaga ako nagtataka na maaabutan kita sa loob ng pamamahay kong haliparot ka,” wika ko pa.

“Wala ka pa ring kadala-dala ano? Binalian na kita ng mga buto, sinunog ko na mukha mo pero nanatili ka pa rin talaga? Bilib na bilib ako sa pagmamahalan niyo ni Santi,” pumalakpak pa ako.

“Ma'am, ang ibig niyo po bang sabihin ay si Ma'am Desireeb iyong nag viral na kabit? Iyong hinubaran ng tunay na asawa sa harap ng maraming tao sa park?” tanong ng kasambahay na hawak pa rin ang cellphone niya.

“Oo! Siya nga yon! Sikat na sikat ka talaga Desiree!” pang iinsulto ko pa kay Desiree.

“Ay! Pak na pak ang action moves mo, Ma'am. Kakagigil kaya habang nanonood ako. Panay nga po ang sigaw ko na sampalin mo pa! Sampalin mo pa!”

“Shut up! Ako ang nagpapasahod sayong gaga ka!” sigaw na naman ni Desiree sa kasambahay dahil sa pagakukuwento nito tungkol sa kung paano ko binugbog si Desiree sa harap ng maraming taong nanonood.

“Maka shut up ka naman, Ma'am? At saka, anobg pinasapasahod mo ako? Bumabali nga ako kahit isang libo ang dami mong sinasabi tapos hindi mo talaga ako pinabali.” Reklamo ng kasambahay kaya natawa ako ng labas sa ilong.

“Magtigil ka! Lumayas ka dahil hindi na kita kailangan!”

“At anong karapatan mong magpalayas na ako ang may-ari ng bahay na ito?” sabi ko at saka ako sumampa sa kama pero tangkang tatakbo si Desiree palayo sa akin pero madali kong nahablot ang mahaba niyang buhok na hindi pala nasunog ng sinunog ko mukha niya sa mainit na ihawan.

“At saan ka pupuntang haliparot ka? Hindi pa tayo nakakapag-usap kung bakit narito ka sa pamamahay ko. Kaya halika at may pag-uusapan tayo,” sabi ko habang hablot ang kanyang buhok pero pilit kumakawala si Desiree. Nag-iikot-ikot pa siya na akala mo naman ay makakawala siya sa pagkakasabunot ko.

“Bitawan mo akong amasona ka! Bitawan mo ako!” sigaw niya at kinagat pa ang kamay braso ko kaya mabilis ko siyang sinuntok sa mukha.

“My face!” hiyaw ni Desiree sa sakit.

“Ang arte mo naman. Hindi masasaktan ang mukha mo dahil sobrang kapal niya!” natatawa kong sagot at saka siya kinaladkad palabas ng kwarto ni Santi.

“Walang hiya kang babae ka! Kahit saktan mo ako ng saktan ay ako pa rin ang mahal ni Santi! Kaya ka lanh niya pinakasalan ay dahil sa pakinabang niya sayo!”

“Sus! Huli ka naman sa balita, ante! Alam ko na yan. Hindi na kailangang i-memorize yan!” sabay tawa ko habang kaladkad pa rin ang hubad na katawan ng isang kabit na hindi alam kung paanong itatago ang maseselang katawan sa cellphone camera na nakatutok sa kanya.

Ewan ko ba at kapag talaga kaharap ko si Desiree ay nalilimutan ko lahat ng mga pinag-aralan ko para maging pinong-pino na babae.

Lumalabas ang pagkanaturales ng pagka-squatter ko kapag siya ang kaharap ko.

Ang saya nga sa totoo lang.

Kasi nailalabas ko kung sino talaga ako. Kunga ano ako at kung anong kaya kong gawin.

“Anong gagawin mo?” takot na tanong ni Desiree ng nasa hagdan na kami.

“Natatakot ka ba na baka ihulog kita?” pang iinis ko pa.

“Huwag kang mag-alala at hindi naman.” Sanay mabilis akong bumaba ng hagdan kaladkad pa rin ang katawan niyang hindi malaman ang pagkalabog sa ginawa kong pagmamadaling bumaba.

Pagdating sa ibaba ay tuwang-tuwa ako dahil umaatungal na parang baka si Desiree.

“Nakuhanan mo bang lahat ng mga nakakatawang pangyayari?” untag ko sa kasambahay na nag-enjoy din sa nasaksihan.

“Okay na okay, Ma’am. Tiyak na viral naman itong video kapag napanuod ng mga netizens, Ma’am. Maraming matutuwang legal at matatakot na mga kabit.” Sabay pag thumbs up ng kasambahay sa akin.

“Hindi pa tayo tapos. Hindi pa ako tapos babaeng makapal ang mukha,” hinablot ko na naman ang buhok ni Desiree at wala akong pakialam kahit mabunot ko lahat ng mga buhok niya sa anit.

Kinaladkad ko na naman siya sa labas ng bahay.

“Ang mga kabit at anay ay talaganh hindi dapat kinakaawaan. Dapag talagang hinihiya ng sobra para hindi pamarisan,” sabay tapon ko ng lamog na lamog na katawan ni Desiree sa harap ng bahay ko.

Pero dahil nga luka-luka ako kapag kaharap siya ay hindi pa rin ako tapos.

“Akina ang gunting,” sabay lahad ko ng kamay sa kasambahay na may hawak ng gunting na inabot ko kanina.

“Mukhang mahaba na ang buhok ni Desiree kaya kailangan ng i-trim,” sabi ko pa at saka na sinimulan na gupitin ang mahabang buhok ng kabit ni Santi.

“Tama na, Carmencita,” umiiyak na pakiusap niya pero bingi ako.

“Kung ikaw din ay marunong umintindi ay hindi ka hahantong sa ganito. Kaya pagtiisan mo. Tutubo rin naman ang mga buhok mo.” Sagot ko pa at hindi tinigilan na kalbuhin ang buhok niya.

Nang matapos ko siyang kalbuhin ay hinarap ko ang mukha niya sa akin.

“Perfect! Ang galing ko pa lang manggugipit!” puri ko pa sa sarili ko kahit ang pangit naman ng pagkakagupit ko.

Hindi pantay.

Uka-uka.

“Alam mo, hindi ko alam kung bakit kahit bugbog ka lagi sa akin ay hindi mo magawang hiwalayan si Santi? May ginto ba ang dulo ng t**i niya para manatili ka? May kung ano ba sa puki mo at mukhang hindi niya rin makalimutan?” tanong ko sa pananalita gaya ng isang laki sa iskwater.

“Nagkamali kayo ng iisahan dahil huwag niyong mamaliitin ang isang gaya kong galid ika niyo ng mabaho at magulong lugar. Kaya hayan ang napapala mo. Hindi kita ipakukulong o papatayin dahil hindi naman ako mamamatay tao.”

“Ang kaso lang, luka-luka ako. Kaya ikaw lagi ang trip ko,” sabay tawa ko ng nakakainsulto.

Tinawagan ko ang mga gwardiya sa gate para itapon sa labas ang isang basura.

“Ipasa mo sa akin ang lahat ng mga video dahil regalo ko yan kay Santi,” nangingiti kong wika sa kasambahay.