EVA
Nakatulala lang ako sa kapeng nasa harapan ko. Ni hindi man lang ako nakahigop kahit isang beses bago ito lumamig. Hindi ko alam kung anong sasabihin matapos kong marinig ang mga sinabi nila. Hindi ko alam kung maniniwala o hindi.
Hindi ko talaga alam.
Paano ako naging anak ng isang pulitiko? Kahit anong gawin kong pag-iisip hindi ko pa rin maintindihan.
Isa pa...
Napakasaklap naman nang nangyari sa kanila. Kung tutuusin, mas maayos pa ang naging buhay ko kaysa sa kanila. Kahit pa lumaki ako sa hirap, pero hindi ko naranasan ang mapalo man lang. Pero si Miss... si Karina, nagparetoke ng mukha dahil tinapunan ng asido sa mukha.
Si Eurice naman...
Ayaw ko na lang isipin.
Pero sa kabila ng lahat ng mga nangyari sa kanila, ito pa rin sila, nakangingiti.
Napatitig ako sa mu
