Kanina pa ako nakatingin sa repleksyon ko sa salamin. Ibang-iba na nga sa dating ako. kahit liptint ay hindi nakaranas ang labi ko noon. Pero ngayon, pulang-pula ba ang mga labi ko. Kasingpula ng impyerno. Napabuntonghininga ako. Nagulat na nga si Hujin nang makitang nakasuot ako ng short. Ano pa kaya kung makita niya ako sa ganitong ayos. Naka-two piece at may suot na maskara. Tipid akong napangiti. Natatawa ako sa t'wing sasagi sa isipan ko ang ginawa ko kay Hujin. Umiinit ang pisngi ko sa t'wing maaalala ang gabing iyon. Hindi ko aakalain na magagawa ko ang bagay na iyon. Pero ang tuwa ko ay napapalitan kaagad ng lungkot. Nasasaktan ako sa parteng iba na ang tingin ni Hujin sa akin. Iyon naman talaga ang plano ko, para layuan niya ako. Mas okay na ang ganoon. Kaysa sa mapalapit pa
