Nakailang shots pa ako matapos kong magsayaw. Nagiging lasengga na yata ako. Mataas ang tolerance ko sa alcohol kaya hindi ako nalalasing kaagad. Dahil na rin siguro ilang taon na akong umiinom.
"Maglalasing ka ba?"
Tamad kong tiningnan si Rebecca, "Kailan ba ako nalasing?"
Nagkibit-balikat lang siya.
Isang palakpak ang umaga sa atensyon naming lahat. Si Madam Aurora, "Labas girls, maliban kay Eva."
Nagkatinginan muna kami ni Rebecca bago sabay na natuon ang paningin namin sa pumasok... si Miss Karina.
Syete! Naalala ko na naman ang napag-usapan namin noong nakaraan.
Atat na yata siyang kausapin ako dahil hindi pa man tuluyang nakalabas ang lahat ay kaagad na siyang nagsalita, "May iti-table ka."
Lihim akong napamura. Pero bago pa man ako makapagreklamo ay nagsalita siya ulit, "H'w
