Ilang linggo na rin simula nang huli ko siyang makita. Hindi na siya naalis sa isipan ko. Sa t'wing inaalala ko ang mga sandaling nakausap ko siya, ang hawak niya sa kamay ko, ang titig niyang nakatutunaw, parang lumindol lang puso ko.
Pati yata sa puso ko hindi ko siya maalis-alis. Sabi ni Tinay love at first sight daw ang tawag dito.
Pag-ibig sa unang tingin...
May ganoon pala?
Bumangon ako mula sa pagkakahiga sa aming bangka. Linggo ngayon kaya hawak ko ang buong oras para titigan ang likas na yamang nasa harapan ko. Mula sa asul na kalangitan, mga ulap na paiba-iba ng hugis, mga ibong malayang naglalaro sa himpapawid, ang lawak ng karagatan, mga alon nitong sumasabay sa indayog ng hangin, at higit sa lahat, ang puso kong siya lang lagi ang nakikita.
Hays...
Lalo pa kung laging
