NANG makabalik sa UHB Leisure Club sina Maryey at Sergio kasama ang mga UHB member ay hindi pa rin maka-get over si Maryey sa nangyaring pagsundo ng mga ito sa kanya sa airport. Pakiramdam niya, masyado siyang importante para paglaanan ng mga ito ng oras. Pero sa kaso ni Sergio, ramdam na ramdam niya kung gaano siya kaimportante rito at ayaw mawala.
Ni hindi na nga nito binibitiwan ang kanyang kamay. He just hold it tight.
Dumiretso sila lahat sa Savanna’s Side kung saan may nakahanda ng pagkain pagkarating nila.
“Tagumpay ang lakad ninyo,” nakangisi pang wika ni Ferdz nang makita siyang kasama ng mga ito na dumating.
“Puwede bang maging hindi?” nakangisi namang sagot ni Kienlee.
“Ang viral ng taon,” dagdag pa ni Ferdz na nginisian din si Sergio.
“Right. Trending agad kayo sa social
