NASUNDAN ni Sergio ng tingin ang kanyang ama nang lampasan lang siya nito. Ilang taon na itong ganoon sa kanya. Napakapormal nito kung tratuhin siya. Simula nang ma-confine ang kanyang ama sa hostipal ay pinayuhan ito ng doktor nito na huwag na munang bumalik sa trabaho dahil makakasama rito. Kaya sa loob ng dalawang taon at kalahati ay siya ang nagpapatakbo ng mga negosyo nila.
Bumuntong-hininga siya. Hindi niya masisisi ang ama kung bakit ito ganoon sa kanya. Nasira ang pagkakaibigan nito at ng ama ni Maryey. Isang malaking kahihiyan din sa pamilya nila ang nangyaring eskandalo noon na hanggang ngayon ay tila hindi pa rin makalimutan ng kanyang ama.
“Sergio, hijo, dito ka ba maghahapunan?” anang kanyang Mommy Corazon nang lapitan siya.
Umiling siya. “Hindi po. Uuwi ako sa condo ko nga
