“HAPPY NOW?”
Nakangising tumango si Nati sa tanong ni Maryey. Bago nagpatuloy sa pamimigay ng candies sa mga batang nagti-Trick or Treats ng mga sandaling iyon sa labas ng kanilang bahay.
Nakasuot pa sila ng costume. Ang Ate Nati niya ay costume ni Elsa ang suot habang siya naman ay si Anna. Habang si Ynho naman ay naka-costume ng pang-Iron Man. Kauuwi lang nila noong nakaraang araw at ang ipamimigay na mga candies para sa Halloween ang agad inasikaso ng kanyang Ate Nati.
“Alam mo, Ate Nati, daig mo pa ang bumabalik sa pagkabata,” naiiling niyang wika. “Sabagay, wala ka ng ginawa noon kundi ang magtaray. Mas okay na rin ‘yong ngayong ikaw.”
“Puwes, I miss the old Maryey,” balik nito sa kanya.
“Hindi na siya babalik.”
Kumuha ito ng isang chocolate at ibinigay sa kanya. “Kumain ka ng s
