“BAKIT parang blooming na blooming yata ang honey ko ngayon?” pansin pa ni Sergio kay Maryey isang dapit-hapon nang sunduin siya nito sa kanilang bahay. Nag-aagaw dilim na ng mga sandaling iyon.
Ipinagpaalam siya nito sa kanyang pamilya para sa gabing iyon. Inimbitahan kasi sila ni Daizuke Niwa sa UHB Leisure Club.
Matamis niya itong nginitian habang kinakabitan siya nito ng seat belt. “Do I really look like one?” baka kasi binubola lang siya ng nobyo. Simple nga lang ang ayos niya ng gabing iyon.
Nakasuot siya ng leggings na kulay itim at ang pang itaas naman niya ay stripe na cotton shirt na kulay black and white. Pinatungan lang niya iyon ng jacket na may zipper na umabot ang haba hanggang sa may tuhod niya na kulay itim din. Ang buhok naman niya ay ipinusod lang niya ng ponytail. At
