UMANGAT ang kamay ni Maryey at inilapat sa bubog na bintana sa Intensive Care Unit, na para bang sa pamamagitan niyon ay nahahawakan niya si Sergio. Isang linggo ng walang malay ang dating nobyo. Marami ring aparato na nakakabit sa katawan nito.
Ngayon lang niya ito nagawang puntahan matapos ng nangyari dito. Natatakot siyang makita ito sa ganoong kalagayan kaya hindi niya magawang dalawin agad ito nang maging maayos ang pakiramdam niya buhat sa shock na natamo sa nakitang aktuwal na aksidente na kinasangkutan ni Sergio.
Kapag ipinipikit niya ang mga mata, animo nakikini-kinita niya ang nangyari.
He has a fifty percent chance to live… naalala pa niyang wika ng doktor nito kanina.
At sa isang iglap, uminit na naman ang bawat sulok ng kanyang mga mata. How come na kailangan itong mangyar
