TINANGGAP ni Maryey ang mainit na hot chocolate, na nasa tasa pa, nang ibigay iyon sa kanya ni Sergio. Nasa tabing dagat na sila nang mga sandaling iyon at naghihintay sa pagputok ng haring araw.
Dahil sa excitement na makarating sa lugar na iyon kaya naman maaga pa lang ay gising na si Maryey. Saktong alas singko nang ayain na niya si Sergio na pumunta sa tabing dagat. Naghilamos at nag-toothbrush lang sila nang lisanin ang Yadoya Hotel.
Nagpa-deliver na lang si Sergio nang aalmusalin nila sa may tabing dagat dahil hindi na rin sila nakadaan pa sa Rawnie’s na siyang pinakamaagang magbukas na restaurant sa loob ng UHB Leisure Club.
Dahil kakabukang-liwayway pa lamang kaya naman medyo madilim-dilim pa ang paligid. Nakaupo sila parehas ni Sergio sa pinagtabi nilang wooden lounge na naroon
