NAPALUNOK si Maryey. Nasa UHB Resort sila kung saan naroon ang animo bituka ng manok na water slide. At kasalukuyan nga silang magpapadulas doon ni Sergio. In the end, sa resort sila bumagsak dahil ayaw ni Sergio sa beach.
“Ready?”
Napatingin siya kay Sergio. “Hon, pakiramdam ko masusuka ako sa water slide na ito. Bakit ba ganito ang ipinagawa ni Daizuke Niwa? Puwede bang hintayin na lang kita sa baba?”
One hundred fifty feet above the ground ang taas ng naturang water slides at hindi lang iyon ang twist dahil animo bitukang manok ang dadaanan mo bago ka makarating sa mismong pool. May timbulan naman o mas kilala sa tawag na salbabida na sasakyan nila ni Sergio na puwede sa pandalawahang tao. Ito ang pupwesto sa may likuran niya habang siya naman ay nasa may harapan nito.
“Parachuting
