HINDI mapalis ang ngiti ni Maryey habang nakatitig kay Sergio na hindi nakaligtas sa pangungulit niya. Kanina pa nito pinaghihirapang makuha ang isang stuff toy na nagustuhan niya sa peryahan. Sabi ng may-ari ng naturang booth ay sa Korea lang daw mayroon niyon. Palibhasa ay Koreana ang may-ari ng puwestong iyon sa peryahan.
Dinukot niya ang panyo sa kanyang dalang bag at walang babalang pinunasan ang pawis sa noo ni Sergio. "Kaya pa?" aniya rito ng magpa-shoot uli ito ng pamato sa pinaka-shooter point na may dalawang dipa at kalahati ang layo mula rito.
"Bakit kasi ‘yon pa ang nagustuhan mo?"
Napasulyap siya sa stuff toy. Cute iyon at unang kita pa lang niya ay sobrang nagustuhan na niya. She sigh. "Ang cute kasi. Kung hindi mo naman kayang makuha kahit 'wag mo ng pilitin."
"Ngayon pa
