“MABUTI naman, hija, at napadalaw ka,” masayang salubong kay Maryey ng Mommy Corazon ni Sergio ng pumunta siya sa bahay ng mga ito ng hapong iyon.
Buhat kasi noong umuwi siya sa kanila galing sa ospital ay hindi na niya nadalaw pa si Sergio dahil nilagnat naman siya. Hindi rin naman basta pumayag ang kanyang pamilya na umalis siya ng hindi pa siya lubusang magaling. Kaya ngayon lang niya madadalaw ang binata. Nalaman na lang din niya na nasa bahay na si Sergio at doon nagpapagaling ayon sa kanyang ina.
“Halos kagagaling ko lang po kasi mula sa lagnat kaya ngayon lang ho ako nakadalaw. S-Si Sergio ho, kumusta na?” alangan pa niyang tanong.
Nahihiya pa rin siya sa ginang dahil sa ginawa niya noong kasinungalingan. Sa kabila niyon ay ipinagpapasalamat niya na tinanggap pa rin siya nito. Hi
