LUMAWAK ang ngiti ni Sergio sa labi nang isang hapon ay puntahan ito ni Maryey sa opisina nito. Bahagya lang niyang ginantihan ang ngiti nitong iyon nang lapitan niya ito sa may working table nito.
“Na-miss mo ba ako?” he even teased.
“May gusto lang akong sabihin,” aniya na sumeryoso na. Nagbaba siya ng tingin dahil hindi niya kayang salubungin ang tingin ni Sergio. Bigla ay parang nawalan pa siya ng lakas para ituloy ang binabalak. Ngunit naroon na siya at gusto rin niyang ituloy ang plano niya.
Walang imik at pigil ang pagsungaw ng luha na hinubad niya sa kamay ang suot na singsing. Unti-unting nabura ang ngiti sa labi ni Sergio nang makita ang ginagawa niya. Inilapag niya sa harapan nito ang singsing.
Huminga muna siya nang malalim bago buong tapang na sinalubong ang tingin ni Serg
