“SA TINGIN mo, Ate Paige, magkakasya pa ba ‘tong gown na gagawin mo para sa akin sa araw ng kasal ko? Pakiramdam ko lolobo na ako,” ani Maryey habang sinusukatan siya ni Paige gamit ang medida na hawak nito.
Napatawa ito sa klase ng tanong niya. “Maryey, wala namang nagbabago sa katawan mo.”
“Panay kasi ang kain namin ni Sergio. Bigla tuloy akong na-conscious sa figure ko.”
“Mag-workout ka na lang kung ganyan ang pakiramdam mo. Puwede naman nating i-adjust ang gown mo kung kinakailangan. Puwede ba, iwasan mong mag-isip ng kung ano-ano kasi siguradong ma-stress ka lang.”
Bumuntong-hininga siya. Siguro nga mag-wo-workout na lang siya. Matapos kunin ni Paige ang sukat niya para sa gown na isusuot niya bukod sa wedding gown ay naupo ito sa sofa at nagsulat sa notebook nito.
“Ate Paige,” m
