PAGKADULOG ni Maryey sa hapagkainan ay wala pa ring imik na kumain siya. Muling ipinaalala ng kanyang ama ang dadaluhan nilang anibersaryo ng kumpanya mamayang gabi. Kumpanya ng pamilya ni Sergio Delavin.
Dadalo siya tutal naman ay malabong sumipot si Sergio. At kung dadalo man ito ay kailangan niya itong iwasan at baka mapilipit nito ang leeg niya. Tatlong araw na rin ang nakalipas mula nang guluhin niya ang mundo ni Sergio sa Ortigas at hanggang ngayon ay tila may hangover pa rin siya sa ginawa niyang iyon.
Kinagabihan ay hindi niya maikakaila ang kabang namamahay sa puso niya ng tumuntong siya sa venue ng fifty fifth anniversary ng kumpanya nina Sergio. Halos lahat yata ng mga kilalang negosyante sa lugar nila ay mga naroon. Sa kabila ng kabang nararamdaman ay pinanatili niya ang pois
