KINABUKASAN ay magkasama si Maryey at Irene na pumuntang Ortigas sakay ng kotse ng kaibigan. Tanghali na nang makarating sila roon. Nag-check-in din sila sa isang Condo-Tel na nasa likod ng SM Mega Mall. Bukas din nila napagpasyahan na babalik ng Quezon Province. Sa ngayon kailangan nilang isagawa ang rason kung bakit sila nasa lugar na iyon.
Pagsapit ng hapon, nang hindi na masakit sa balat ang sikat ng araw, ay ipinasya na nilang maglakad-lakad sa kahabaan ng Ortigas Avenue upang hanapin ang Frigo Restaurant ni Sergio.
"Okay ka lang?" untag ni Irene sa kanya.
Tinanguan niya ito. "Kinakabahan lang ako. Hindi ko alam kung ano'ng sasabihin ko sa kanya kapag nagkita kami." Daig pa ni Maryey ang may mga alagang paru-paro sa kanyang tiyan at nagliliparan doon.
Napatawa ito. "Ano ka ba? Eh,
