Nang pakawalan na siya nina Nanay Romana at ng apo nitong si Pauline ay agad niyang hinanap si Jeffry. I'm Nabahala kasi siya sapagkat lampas alas dose na ng gabi. Nagsimula na rin siyang makaramdam ng antok. Hindi naman siya pwedeng umuwi nang mag-isa dahil sasakyan lamang ni Jeffry ang sinakyan niya papunta rito kaya kailangan na niyang makita ito upang ihatid siya nito pauwi sa unit niya.
Nakailang libot na siya sa bahay ngunit hindi pa rin niya nasilayan ang kanyang hinahanap, kaya naman bumalik siya sa kusina upang itanong sa dalawang naiwan doon kung saan karaniwang tumatambay si Jeffry kapag umuwi sa bahay na ito.
"Kapag wala sa tabi ng gate ay nasa silid lamang niya nakakulong ang batang iyon. Gusto mo ba ay tawagin ko?" ang Nanay Romana ang sumagot.
"Kung maari lang po sana at
