#TMNFABKabanata14
Wife
MARIA
“Sundan n’yo si Juan, boys. Baka kung anong gawin no’n sa chef.”
“Baka maging chef din si Kuya tapos iyong mga nasa kitchen ang iluluto niya,” pagtawa ni Portia na ikinakunot ko naman ng noo.
Natigil tuloy ako sa paglalagay ng ointment sa balat kong namamantal na mabuti na lang ay meron si Portia. Hindi nawawala dahil sensitibo ang balat niya. Kahit na umepekto agad sa akin iyong itinurok na injection ni Sir Grant, hindi naman agad nawala ang pangangati ng braso at leeg ko. Hindi ko naman pwedeng kamutin dahil magsusugat tiyak.
“Huh? Magluluto si Perseus?” bulong ko kay Portia matapos sundan ng tingin sila Sir Grant na umalis.
Mabuti na lang ay hindi ako nawalan ng malay. Pagdilat ko nga lang ay parang mas gugustuhin ko pa yatang nawalan nga ng malay n
