One day earlier...
INAPAKAN ni Andres ang upos ng sigarilyong itinapon niya sa kalsada pagkababa niya ng karwahe. Tumungo siya sa maingay na sabungan upang usisain ang matinding pustahan. Nakakabinging hiyawan ang nadatnan niya sa lugar nang makalapit. Sa likuran ng mercado ng San Fernando ay ganito ang eksena sa tuwing araw ng sabado at linggo.
“Mayroon!” sigaw sa kaliwa.
“Wala!” sigaw naman sa kanan.
Sa ibaba ang ay dalawang manok na kanilang pinag-aaway. Sa tuwing umaatake ang isa ay sasalubungin naman ng atake ng katunggali. Napatakip ng kanyang bibig si Andres nang maamoy ang mga mababahong hininga ng mga ginoong nadadaanan niya sa kanyang tapat.
Nagdukot siya ng barya sa bulsa at itinapon ito sa ginoong tumatanggap ng pusta. Humalukipkip siya at muling nagsindi ng tabako para
