“TRIANNA!” sigaw ni Leonardo bago inilusong ang katawan nito sa tubig upang makuha ang katawan ng dalaga. Dahil sa kawalan ng presensya ng ilaw mula sa buwan ay nahirapan siyang hanapin ito sa malalim na tubig.
Nang maalinag ang dugong kumakalat sa kanyang giliran ay mabilis siyang lumangoy doon at kinuha ang walang malay na katawan ng dalaga. Inilapag niya ang dalaga sa kahoy na tulay at pinagsadahan ng tingin ang kanyang kasuotan. Kumunot ang kanyang noo nang mapagtantong iba ang suot suot nitong damit. Naalarma siya nang makita ang dugong patuloy na umaagos sa giliran ng dalaga.
“Ano ba ang nangyayari?” tarantang wika ni Leonardo at mabilis itong inalsa sa kanyang bisig upang isakay sa bangka.
Isinugod sa pinakamalapit sa pagamutan si Althea upang mabigyan ng paunang lunas. Maliit
