“SAAN na ba tayo tutungo?” tanong ni Leonardo sa magkaibigang si Luisano at Agapito. Nakangiti ang dalawa habang nag-uusap gamit ang mga mata.
“Kung aming sasabihin sa ‘yo ay hindi na magiging surpresa.” Ani ni Agapito. Bumaba sila ng karwahe nang makarating sa bahay-aliwan na pagmamay-ari ng mga Tiu. Kunot noo namang bumaling si Leonardo sa kanyang mga kaibigan. Hinawakan ni Luisano ang kanyang balikat at iginaya papasok ng gusali.
“Kami ay nababahala sa ‘yo, kaibigan, mukhang kailangan mo ng aliw upang kahit pa paano ay makalimutan mo ang iyong mga problemang iyong tinatago sa amin.” anito.
Parehong may mga asawa sina Luisano at Agapito. Katulad ng sinapit ni Leonardo ay ang kanilang mga magulang mismo ang pumili ng kanilang kabiyak. Ang kaibahan nga lang ni Leonardo sa kanila, hind
