Hindi matanggal ang mga paningin ni Crisanto kay Althea. Nakikisabay ito sa pag-uusap ng kanyang inang si Ligaya at si Esteng habang siya ay minu-minutong sumusulyap sa dalaga. Ang mga kwento ng kaibigan habang sila’y nag-iinuman ay hindi niya maipasok sa kanyang isipan.
Matangos ang ilong ng dalaga, natural at katamtaman ang kulot na buhok, mapupulang labi at balingkinitan. Maraming mga magagandang binibini at madalas ang mga ito ay nagpapakita ng kanilang mga balat sa bahay-aliwan, negosyo nilang mag-ina. Ngunit kay Althea lamang napako ang kanyang atensyon.
Napatingin ang dalaga sa bintana. Palubog na ang araw at nagsisimula nang magsiuwian ang mga bisita. May ipinaalam siya kay Esteng at nais sanang kausapin si Rosario pero hindi niya tinuloy nang abala sa pagkain ng lechon ang dal
