DALI daling tumungo si Althea at Leonardo sa silid kung saan nagpapahinga ang Don Marcelino. Naroroon sina Donya Martina, ang kabiyak nito at si Paloma. Pareho nilang ginigising ang Don. Bakas sa pagmumukha ni Paloma ang pagkakabahala, si Martina naman ay nag-aalala rin, ngunit iniisip niya ang pagdating ng manggagamot na ipinatawag niya kay Andres sa bayan.
“Ama?” tanong ni Paloma habang niyuyog-yog ang balikat ni Don Marcelino. Napatingin naman si Betina kay Althea, baka rin sa mukha nito ang pagkabahala.
“Hindi kaya dahil sa gamot?” bulong ni Betina sa kanya, sapat na si Althea ang makarinig noon. Bumaling naman si Althea sa kanya at umiling.
“Hindi, natitiyak kong sa ‘yo na hindi dahil sa gamot iyon.” Bulong pabalik ni Althea sa kanya at napatingin kay Don Marcelino na kasalukuyang
