“Maaari mo ba itong ibigay kay Don Alvarez?” bilin ni Donya Martina kay Althea. Ibinigay sa kanya ang isang liham na siyang tinanggap naman agad ng dalaga. “Sabihin mong hindi makakarating ang aking asawa sa pagpupulong sa martes, dahil siya’y nagkasakit.” Patuloy ng Donya.
“Sige ho,” ani ni Althea at ngumiti.
“Sumakay ka na kay Manuel. Tutungo siya sa bayan at madadaanan mo doon ang tanggapan.” Huling habilin ng donya bago ito tuluyang umalis.
Sa kasagsagan ng kanilang paglalakbay ay hindi maalis sa kanyang isipan ang tungkol sa liham na kanyang nakita noong isang gabi. Kinuha niya iyon at tinago sa kanyang mga kagamitan. Walang alam si Leonardo tungkol sa dahilan ng pagkakasundo ng kanyang ama kay Paloma. Ang tanging nalalaman niya ay uhaw sa kapangyarihan si Gregorio at masunurin ka
