NAKATINGIN lamang si Althea habang hinahalo sa tubig ni Betina ang lantang dahon. Hindi man lang ito nagtanong kung epektibo ba na nakakagamot o kung saan niya napulot ang ideyang ito. Basta basta na lamang niya sinunod si Althea kahit walang sapat na basehan. Malaki ang kanyang tiwala sa kanya.
Inilagay sa bandeha ang tubig at tumungo si Betina sa silid kung saan nagpapahinga si Don Marcelino. Samantala, inabala lamang ni Althea ang kanyang sarili sa kusina habang hinihintay ang mangyayari.
Nagtatawanan sina Don Marcelino at si Paloma nang madatnan niya ito. “Kumusta na po kayo, don Marcelino?” tanong ni Betina at nilapag ang tubig sa giliran ng higaan.
“Maayos lang, Betina. Bumubuti na ang kanyang kalagayan.” si Paloma ang sumagot. “Isang simpleng lagnat lang naman iyon, tila kayo’y s
