HINDI tuluyang nalasing si Althea kagabi. Umiikot ang kanyang paninging ngunit aminado siyang nasa katinuan pa siya. Kung kaya’t naman pagkagising ay hindi agad bumangon nang maalala ang ginawa niyang paghalik kay Leonardo.
“s**t!” mura niya sabay takip ng kanyang mukha gamit ang unan nang maalala. “Bakit mo ‘yon ginawa, Althea! Walang hiya ka talaga.” Suway niya sa kanyang sarili. Unti-unti nang umaangat ang araw. Nahihiya siyang lumabas dahil sa nangyari kagabi. Pakiramdam niya tuloy ay nilapastangan niya ang pagiging lalaki ni Leonardo.
Bumangon siya sandali upang silipin mula sa bintana kung inaayos na ang karwahe sa kabayo. Paano niya haharapin si Leonardo? Naglasing naman si Leonardo kagabi at malaki ang posiblidad na wala rin siyang maalala.
Tumango tango si Althea at kinukumbins
