NAMUMULAKLAK ang mga halamang tanim ni Paloma. Nakangiti siya habang pinagmamasdan ang mga ito sa kanilang malawak na hardin sa labas ng harapan ng kanilang mansyon. Si Betina, ang kasambahay ay nakangiti ring pinagmamasdan ang kanyang senyora.
“Ang ganda ng mga alaga mong bulaklak, Senyora. Mababatid mo talaga kung sino ang nag-alaga, malulusog ang mga ito at matingkad ang mga kulay.” Puri ni Betina sa kanya. Pinitas ni Paloma ang isang bougainvillea at ikinawit ito sa likuran ng kanyang tenga.
Nakangiti itong humarap kay Betina, inangat niya ang kanyang saya at umikot. Sumusunod naman sa kanyang galaw ang kanyang saya at tapis. Si Betina ay nasisiyahan sa pagpapakitang gilas ng kanyang Senyora sa kanya. “Natitiyak kong mahal na mahal ng Senyor Leonardo ang kanyang asawa dahil sa angkin
