ISINARA ang bahay-aliwan kahapon upang pag-usapan ang pagbabago sa susunod na araw. Ayon kay Rosario, sa susunod na linggo ay aalisin na ang mga puta at papalitan ng bahay-panuluyan ang naturang negosyo. Pinagtaka iyon ni Rosario dahil narinig niya ang usapan noon na pagkatapos pa ng disyembre iyon mangyayari. Lingid sa kanilang kaalaman, minadali ni Crisanto ang pag-aayos ng negosyo upang mawalan ng rason si Leonardo na pumunta sa naturang lugar.
Nakangiti si Rosario habang tinitingnan ang kanyang ginuhit na bulaklak. Si Althea ay bumaling din dito at napailing. Marunong nang humawak ng pluma si Rosario at magsulat ng letra, samantala, ang pagbibilang ay hindi niya pa masyadong gamay. “Nakakalungkot, ate, kapag hindi kita nakakasama.” Wika ni Rosario at tumingala sa kanya. Umupo si Althe
