WALANG nagsasalita sa kanilang dalawa. Hinayaan ni Althea na mamuo ang katahimikan habang nagmamaneho naman si Lawrence sa kanyang tabi. Mahaba ang traffic kahit hating-gabi, hindi makadaloy ang sasakyan nang maayos dahil sa aksidente sa unahan.
Nakahalukipkip na lamang si Althea at nakatingin sa labas. Hindi halatang naiinip ang dalaga, ngunit alam niyang kahit anong oras ay bukas ang library. Kahit anong oras o araw ay pwede siyang dumalaw.
“We should get back before one.” Biglang basag ni Lawrence sa katahimikan.
“Pwede kang umuwi pagkatapos akong ihatid. Kaya kong bumalik sa hospital.” Walang emosyon na tugon naman ni Althea.
Bumuntong hininga na lang si Lawrence. Alam niyang delikado sa sitwasyon ng dalaga; tumakas sila ng hospital upang pumunta lamang ng library, sinamantala ni
