PUMASOK si Althea sa silid na tinutukoy ni Paloma at saka niya isinara ang pinto nang dahan dahan upang hindi makagawa ng ingay. Bakas sa mukha ni Paloma ang pagod, lungkot, at pagsisisi. Namumugto ang mga mata nito at namumula ang pisngi. Malaki ang epekto sa kanya ng sakit ng kanyang ama, kawalan ng pag-asa ng kanyang ina, at sa lumalalang relasyon nila ni Leonardo.
“Senyora,” malamig na wika ni Althea sa kanya.
“Noon ko pa ito napupuna, sa kawalan ko ng lakas ng loob ay hindi ko mabuksan ang usapin tungkol dito.” Panimula ni Paloma, mabibigat ang kanyang paghinga. “Ngayon lang ako magiging matapang, Trianna. Ikaw ba’y may lihim na relasyon sa aking asawa?” nabasag ang boses nito sa huling salita.
Hindi nagsalita si Althea. Hinayaan niyang magalit si Paloma sa kanya. Nagkatinginan s
