MAAGANG pumasok ng kaniyang trabaho si Travis kinabukasan. Dahil kailangan niyang samahan si Amanda sa isang event nito. Isang fashioned model ito na kailangang dumalo sa mga pictorials lalo na at sa clothing line ito nakadestino. Walang magagawa si Travis kun'di umastang maasahang bodyguard. Nalaman niya kay Amanda na makikipagkita ito kay Don Gilbert Silva.
Mabuti iyon para mas mapalapit siya rito. Kailangan niyang makagawa ng isang eksena na kagigiliwan nito. Upang mas pagkatiwalaan pa siya ni Silva hanggang sa mahulog na ito sa bitag niya at sunggaban na niya ang taong kinasusuklaman niya. Mapapabilis ang trabaho niya at hindi na siya mahihirapan na pagtakpan ang ginagawa niya kay Vicky. Alam niyang hindi magtatagal ay malalaman ni Vicky ang totoo. At sa panahon na iyon ay sisigura
