"Kumusta ka na, Vickierela?" tanong ni Akiro sa kaniya habang naghahanda siya ng meryenda sa may kusina. Naroon naman ang kaniyang ina sa sala na tinutulungan ni Suzi habang inaayos ang mga dala nitong mga gamit.
Binalingan ni Vicky ang binata na nakatitig sa kaniyang mukha. "Okay naman ako. Heto busy sa school bilang isang elementary teacher. At bilang secretary sa manggahan nina Shine'" nakangiting sagot niya sa binata. Binawi niya ang tingin dito at muling itinuon ang sarili sa ginagawa. "Ikaw, kumusta ka, Akiro?"
'Busy rin sa negosyo namin sa Maynila. At busy sa pagtatayo ng factory rito sa Tarlac. Naisip ko na gawing meat processing factory ang nabiling lote nina Dad dito. Wala pa naman akong girlfriend para itira sa ipapatayong bahay ko rito. So, I decided na gawin na lang na facto
