HINDI mapigilan ni Andy ang magtaka, dahil ilang araw na ang lumipas pero hindi niya pa rin nakikitang lumabas si Dreco sa kuwarto nito. Hinahatiran lang ito ni Stanley ng pagkain at sinasabayan.
Hindi niya alam kung ano ba talaga ang nangyari noong nakaraang gabi nang masugatan si Dreco sa loob ng bathroom. Gustuhin man niyang itanong kay Stanley ang dahilan, pero hindi niya magawa dahil wala naman siyang karapatan para magtanong, katulong lang naman siya.
Kaya nitong mga nakaraang araw ay hindi niya mapigilan ang laging mainis dahil nga si Jessica na lang ang nakakasama niya sa hapag, silang dalawa na lang ang magkasama kumain tuwing breakfast, lunch, at dinner. Katulad na lang ngayon, magkasabay na naman sila ni Jessica sa lunch, at nakangisi na naman ito sa kaniya na tila ba nang-aa
