Lumabas ng bahay si Yvonne dala ang isang duffle bag na dadalhin niya sa kanyang business trip. Nakasunod naman sa kanya si Kelvin.
Nilapitan ni Yvonne ang kotse niya, binuksan niya ang kanang pintuan sa backseat saka inilagay doon ang dala niyang bag na naglalaman ng kanyang mga gamit at damit na susuotin habang nandoon sa pupuntahan niya. Matapos niyang ilagay ang dala niyang bag ay isinara muli niya ang pintuan.
“Ayaw mo ba talagang ipag-drive kita at ihatid doon sa Maynila?” pagtatanong ni Kelvin kay Yvonne. Nakatayo siya sa hindi kalayuan.
Hinarap ni Yvonne si Kelvin. Ningitian niya ito saka tumango-tango. “Ipagda-drive ako ni Mang Jimmy kaya hindi mo na ako kailangang ipag-drive at ihatid,” sagot niya. Ang tinutukoy niya ay ang isa sa mga driver sa kanyang kumpanya.
Bahagyang tu
