Natapos na ang series of meetings ni Yvonne ngayong araw. Nasa loob na siya ngayon ng kanyang hotel room na nasa ika-tatlumpung palapag at nakatayo sa harapan ng malaki at salaming bintana kung saan mula sa pwesto niya ay nakikita niya ang buong syudad ng Maynila. Tila christmas lights ang mga ilaw na na nanggagaling sa mga gusali at nagkikislapan na parang mga bituin.
Napapangiti si Yvonne habang nakatingin sa labas ng bintana. Pamaya-maya ay sinimsim niya ang red wine na laman ng hawak niyang wine glass. Masaya ang pakiramdam niya dahil nakapagsara siya ng mga deals na mas lalong magpapayabong sa kanyang kumpanya.
Lumipas pa ang tatlong minuto nang mapalingon si Yvonne sa kinaroroonan ng kanyang phone. Narinig niya kasing tumunog ang ringing tone nito. Muli siyang ngumiti saka umalis
