Nasa loob ng kanyang opisina si Yvonne. Prenteng-prente lang siyang nakaupo sa kanyang swivel chair at nakatingin sa nakabukas na laptop na nakapatong naman sa office desk niya.
Wala nang ginagawa si Yvonne. Natapos na niya ang pinagkaka-busy-han niya kanina. Napabuga tuloy siya ng hininga.
“Wala akong magawa,” mahinang wika ni Yvonne. “Haaay!” Nagbuga ulit siya ng hininga.
Maya-maya ay kinuha ni Yvonne ang phone niya na nakapatong din sa office desk niya at nasa tabi ng kanyang laptop. Pinindot niya ng bahagya ang power button kaya umilaw ang screen nito.
In-enter niya ang password ng kanyang phone saka nagtingin-tingin doon. Pumunta siya sa photos.
Napapangiti si Yvonne habang isa-isang tinitingnan ang mga pictures na naroon. Mga pictures nila ni Kelvin sa iba’t-ibang lugar na pinun
