Patingin-tingin si Yvonne sa wall clock habang nakaupo siya sa upuan. Nakahain naman sa mesang nasa harapan niya ang espesyal na dinner na inihanda niya para kay Kelvin. Hinanda niya ito bilang peace offering para sa kasintahan.
“Gabing-gabi na ngunit wala pa siya,” mahinang saad ni Yvonne. Magaalas-onse na ng gabi ngunit hindi pa rin umuuwi si Kelvin kaya hindi rin siya mapakali.
Kanina pa naghihintay si Yvonne sa pagdating ni Kelvin ngunit hindi pa rin dumarating ang huli. Kumukulo na rin ang kanyang tiyan dahil sa gutom ngunit hindi niya magawang kumain dahil gusto niyang sabay silang kumain ni Kelvin ng mga inihanda niyang pagkain.
Humugot nang malalim na hininga si Yvonne. Sa hindi mabilang na pagkakataon ay muli siyang tumingin sa orasan.
“Nasaan na kaya siya?” sobrang hina na wi
