Nakaupo ng padekwatro sa gilid ng kama si Yvonne. Pinapanuod niya si Kelvin na nakatayo naman sa hindi kalayuan at isa-isang inilalabas ang mga damit niya sa maletang dinala nito mula sa bahay niya papunta rito sa bahay ni Yvonne.
Nasa loob sila ng kwarto. Binakante ni Yvonne ang isang malaking cabinet para doon ilagay ang mga damit at gamit ni Kelvin.
Napatigil sa ginagawa si Kelvin at nilingon niya si Yvonne. Ningitian niya ito. Sumilay naman ang ngiti sa labi ni Yvonne.
“‘Yan lang ba ang mga gamit mo na dinala rito?” pagtatanong ni Yvonne. Isang malaking maleta lang ang dala ni Kelvin kung saan pinagkasya niya doon ang mga damit at gamit na pinili niyang dalhin.
Tumango-tango si Kelvin. “Ito lang naman kasi ‘yung mga madalas kong gamitin,” sagot niya saka tiningnan ang mga damit niy
